„Наместо создавање на интелигенција, по која оваа образована институција била позната, се бара да се запишуваат ученици со пониски оценки“. Ова е ставот на Наставничкиот совет на најстарата гимназија во земјата, како реакција на барањето на Министерството за образование, да се запишуваат ученици  со послаб успех од оној предвиден со конкурсот.

Добивме наредба да ги примиме сите ученици кои конкурирале за прием во Гимназијата. Ова се однесува за третиот уписен рок за учебната 2023/24 година. Длабоко жалам и се извинувам од името на сите колеги, наставници, на сите родители, чии деца имаа успех 59 поени  а беа одбиени во првите два уписни рока, бидејќи тогаш не ги исполнуваа условите по конкурсот распишан од Министерството за образование. А сега ќе мораме да примиме кандидати со по 41 поен, вели професор од гимназијата.

Во првиот уписен рок во јуни и јули, во Гимназијата беа запишани 104 ученика кои имаа минимум 60 бода, 84 во настава на македонски јазик и 22 со настава на албански јазик.