- 68 годишниот актер веќе десет години е трезен во што му помогнала програма на „Анонимни алкохоличари“.
- Јако повлекуел алкохол уште од 80-тите години што на цел свет му стана јасно во 2006-та, од виралната снимка кога беше застанат од полиција за пијано возење: заебан, лут и пијан се развика: „Евреите се криви за сите војни на светов!“ Буљашот цајкан кој тајно го снимал и после за пари ја шитнал снимката, никогаш не одговараше.
- Еден од пресвртните моменти за одлуката да батали алкохол бил ултиматумот од неговата жена: Или јас или доручекот!
- Доручекот му бил шест пива.
- Новиот кинески суперкомпјутер LinShine од Шенжен е прогласен за најбрз во светот.
- Кина последен пат го имала најбрзиот суперкомпјутер во 2017 година. Оттогаш доминираат американските и јапонскиот Fugaku од 2020 до 2022 година.
- LineShine на тестовите имал за 22% подобри резултати во споредба со американскиот суперкомпјутер El Capitan од Лабораторијата „Лоренс Ливермор“ во Калифорнија, кој беше на врвот според рангирање на перформансите од ноември 2024 година.
- Освен суровата брзина, кинескиот компјутер се издвојува од конкуренцијата со тоа што користи исклучиво стандардни микропроцесори и не е зајакнат со графички процесори. Се напојува со 13,79 милиони јадра ARMv9 од кинески производство.
- LineShine ќе се користи за истражувања на климата и океаните, за откривање нови лекови и материјали, за астрофизика и за развој на вештачка интелигенција.
- Министерството за одбрана на Германија од февруари испратило 298.200 прашалници до момчиња и девојки на возраст од 18 години за доброволно служење воена обврска.
- На овој начин биле регрутирани само 530 доброволци.
- На прашалниците одговориле 96% од момчињата, кои се обврзани да го сторат тоа. Одговориле и 4% од девојките, иако не мораат.
- Бундесверот пријави зголемен интерес за традиционалното регрутирање: годинава се примени 38.500 апликации, речиси 25% повеќе во споредба со истиот период лани.
- Сепак, овие бројки не се доволни за обидот на германските власти да го зголеми бројот на активни војници од сегашните 184.000 на најмалку 255.000 до 2035 година. Доколку не се исполнат целите од Законот за доброволна воена служба, може да се воведе регрутација врз основа на побарувачката.
