- Во пресврт кој никој не го очекуваше, Илон Маск реши сепак да ја обнови понудата за купување на платформата Твитер, по цената која првично ја понуди (44 милијарди долари).
- Овој копреникански пресврт доаѓа во фаза на загревање на два паралелни судски процеса: во првиот Твитер го тужи Маск заради откажување на понудата, во вториот Маск го тужи Твитер заради лажно претставување на бројките, односно прикривање на процентот на ботови присутни на платформата.
- Најновата веста за предомислувањето на Маск инстантно ги поскапи акциите на Твитер за 22%.
- Австралија го додаде и Јутјуб на списокот забранети социјални медиуми за деца, по извештајот дека 37% од тинејџерите пријавиле загрозувачка содржина на најпопуларната платформа за видеа. Забраната на пристап на деца на возраст под 16 години ќе се спроведува од 10 декември.
- „Децата во Австралија се под негативно влијание на онлајн платформите. Сакам родителите да знаат дека ја имаат нашата поддршка“, изјави премиерот Ентони Албанезе.
- Се очекува Јутјуб да ја обжали забраната, затоа што не се смета за социјален медиум: „Нашата позиција е јасна. Јутјуб е платформа со видеотека со слободна и квалитетна содржина, која се следи и на телевизори. Не е социјален медиум“.
- Содржини на Јутјуб во Австралија следат три четвртини од децата на возраст помеѓу 13 и 15 години. Забраната нема да важи за специјализираната верзија YouTube Kids.
- Јапонија и Хаваи спроведуваат масовни евакуации поради опасност од цунами низ Пацификот, предизвикани од силниот земјотрес на Камчатка.
- Потресот со интензитет од 8,8 Рихтерови степени кај Петропавловск е шести според јачина од сите што досега биле регистрирани во историјата. Жариштето било на длабочина од 19 километри. Се очекуваат афтершокови со месеци.
- Источниот брег на Русија го погодиле бранови од цунами со височина од 3 до 4 метри. Има повредени лица и од брановите и од земјотресот.
- Првиот удар на северниот јапонски остров Хокаидо бил со бранови од 40 сантиметри, но се стравува и од бранови од 3 метри. Јапонија повика 1,9 милион луѓе да се засолнат подалеку од брегот и на повисоко.
- Најсилниот удар се очекува на Хаваите, каде што се очекуваат цунами од над 3 метри. Низ Хонолулу вијат сирени. Градоначалникот Рик Бланџарди ги повика жителите да ги следат препораките, да не паничат и да се оддалечат од брегот.
- Тревога поради можно цунами кренаа и делови од западниот брег на САД, Кина, Индонезија, Филипините, Еквадор и Перу - 13.000 километри на југ од Камчатка.
