Вести › Набрзинка

Масакр во Прага

21 декември 2023

Најмалку 10 (едит: 15) лица се убиени а 30-тина ранети, од кои голем број во животна опасност, во пукање во Универзитетот во центарот на Прага.
Напаѓачот е или ликвидиран или сам се фрлил од зградата кога го опоколила полицијата. Можно е дека користел пушка со снајпер.
Чешки медиуми јавуваат дека нападот го извел 24 годишниот чешки студент, Давид Козак. Пред нападот, дома го убил татка си. Бил наградуван студент а се инспирирал од Алина Афанаскина, 14-годишната девојка која на почетокот на декември отвори оган во училиште во Брјанск, Русија, при што уби две лица, рани уште пет други па се самоуби. Последниот пост му е од 19 декември кога пишува за неподносливо зуење во ушите.
Коазак се поврзува со уште едно двојно убиство од пред една недела кога убил двомесечно бебе и неговиот татко
Целото централно градско подрачје е затворено за да се елиминира можноста да имало и други кои учествувале во масовното убиство. Полицијата ги советувашe граѓаните да не излегуваат од дома.
Некои студенти се забарадикадирале во просторите во кои се нашле додека траел нападот, други се криеле на симсот на зградата.

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор