- Иако најавија дека ќе ја чекаат владината одлука за замрзнување на цената на лебот на 33 денари дел од пекарниците уште од денеска не дистрибуираа леб до продавниците.
- – Секое утро во 7.30 часот го добиваме лебот, но утрово пекарницата не испорача леб. Се јавија само да кажат дека денеска ќе биде така, а утре не се знае – вели продавачка.
- Владата вчера ја замрзна цената на белиот и полубелиот леб од 450 грама на 33 денари и ги запре субвенциите за струјата за прехранбениот сектор. Пекарската индустрија предупреди дека тоа ќе значи запирање на производството на леб.
- Утрово, за прв пат по месеци закани со бомби во училишта, првата закана дојде уште пред почетокот на првиот час.
- Рускиот претседател Владимир Путин поддржа директни преговори со Украина за нови примирја како велигденското.
- „Тоа треба внимателно да се проучи, можеби дури и билатерално“, изјави Путин за предлогот од Володимир Зеленски за 30-дневен прекин на огнот.
- Украина и Русија немале директни преговори речиси три години.
- Американскиот претседател Доналд Трамп и државниот секретар Марко Рубио во петокот предупредија дека САД ќе се повлечат од мировните напори ако двете страни „во рок од неколку дена“ не постигнат напредок.
- Шефот на Пентагон Пит Хегсет споделил детали од воениот удар врз Јемен на 15 март во група на платформата Сигнал во која биле десетина лица, вклучувајќи ги неговата сопруга, братот и личниот адвокат, објави Ројтерс, повикувајќи се на четири сигурни извори.
- Сопругата на Хегсет, Џенифер, е поранешна продуцентка во телевизијата Фокс њуз. Таа е вработена во Пентагон и присуствувала на најмалку две чувствителни средби на Пит со странски министри и офицери. Неговиот брат Фил е службеник за врска помеѓу министерствата за внатрешни работи и за одбрана.
- Хегсет веќе е под притисок откако пред еден месец беше откриено дека уредникот на порталот Атлантик, Џефри Голдберг, по грешка бил вклучен во групата на Сигнал во која се разменувале детали од воениот напад врз бунтовничките хути во Јемен.
- „Уште еден ден, уште една стара приказна, вратена од мртвите. Немало никаква доверлива информација на никаков чет на Сигнал, без оглед на колку начини настојуваат да ја напишат приказната“, коментираше портпаролот на Пентагон, Шон Парнел.
