Вести › Набрзинка

Европското знаменце за коридорите било ставено заради „проруската Левица“

8 мај 2023

За Делегацијата на Европската Унија во земјава, означувањето на законите поврзани со коридорите 8 и 10 со европско знаменце не е во согласност со стандардите на Унијата, но Бојан Маричиќ вели дека ѝ објасниле за што се работи.
Тоа што мислам дека треба отворено да си го кажеме, оваа одлука е донесена за да се заобиколи нелегитимната блокада од страна на проруската партија Левица, вели министерот за евроинтеграции.
Ако не сакате да работите 60 часа неделно - вие сте проруски настроени.
Ако не сакате да ви одземаат земјиште во скратена постапка - вие сте проруски настроени.
Ако не сакате да плаќате милионски пенали на договор што не сте го виделе - вие сте проруски настроени.
Само криминалот и корупцијата на медиокритетната булумента на СДС и ДУИ се европски вредности, возвраќа Мојсовска од Левица.

извор

Кратко сефте за Артан Груби

24 август 2026

Главната расправа во судскиот процес за случајот „Државна лотарија“, во кој се обвинети осум лица, меѓу кои и поранешниот вицепремиер Артан Груби, е одложена на барање на одбраната.
Дел од адвокатите на обвинетите пред судот посочиле дека не го добиле обвинителниот акт, како и дека доказите на Обвинителството не им биле дадени на увид.
Судијката Биљана Шуплиновска Јолевски образложила дека поради обемот на доказниот материјал (231 материјален и седум вербални докази), доказите не биле испратени по пошта, туку биле обезбедени во кутии во судот, од каде што бранителите можат да ги подигнат и да извршат увид.
Артан Груби се враќа во домашен притвор а обвинетиот Прпарим Бајрами, поранешен директор на Државна Лотарија, не се враќа никаде бидејќи е во бегство.
Сите обвинети, наместо за проневера во службата, се товарат за друго кривично дело - злоупотреба на службената положба и овластување, кое предвидува поблага казна.

извор

Трамп е во минус во 47 американски држави

24 август 2026

Во услови на рекордно ниски рејтинзи на претседателот Доналд Трамп на национално ниво, нова проекција покажува дека тој има негативен скор во сите освен во три држави.
Повеќе луѓе не го одобруваат отколку го одобруваат работењето на Трамп во 47 од 50 држави и Вашингтон.
Трите држави каде што мнозинството испитаници сè уште го одобруваат претседателот се Вајоминг (+14), Ајдахо (+9) и Западна Вирџинија (+6). Сите три гласаа за него на изборите во 2016, 2020 и 2024 година.
Најнизок рејтинг Трамп има во Вашингтон (минус 82) како и Мериленд и Вермонт каде е на минус 50.

извор