- Преговарачките тимови од САД и од Иран ги опишаа како продуктивни првите директни преговори во Швајцарија, иако иранската делегација вчера предупреди дека ќе си замине поради вербалните закани од Доналд Трамп за нови напади. Иранците потсетиле дека во Меморандумот за разбирање двете страни се обврзаа да се воздржат од закани за употреба на сила.
- Преговорите продолжиле до доцна вечерта. Делегациите се согласиле да формираат Комитет на високо ниво, кој ќе обезбеди политички надзор на преговорите, и работни групи фокусирани на нуклеарните прашања, санкциите и другите спорови.
- Главното прашање било воспоставувањето механизам за да се гарантира прекинот на огнот помеѓу Израел и Хезболах во јужен Либан. Израел во саботата потпиша новo примирје и речиси веднаш го прекина со напади. Техеран реагираше со делумна блокада на сообраќајот низ Ормускиот проток.
- САД и Иран се договориле да воспостават „комуникациска линија“ за Ормускиот теснец, која ќе функционира сè додека траат преговорите, со цел да се избегнат инциденти.
- Иран, според претставници на медијаторите, добил дозвола за ограничен извоз на нафта и петрохемиски производи и му биле ослободени некои замрзнати сметки. Американските претставници не го потврдија тоа.
- САД лани дупчеле рекордни 13,6 милијарди барели сурова нафта дневно, со што се зацврстиле на позицијата најголем производител во светот, на која се уште од 2018 година.
- На второто место во светот во 2025 година била Русија, со 9,9 милиони барели нафта на ден, на третото е Саудиска Арабија со 9,6 милиони барели, а на четвртото е Канада со 5 милиони барели сурова нафта на ден.
- Американците лани го собориле сопствениот рекорд од 13,2 милиони барели на ден постигнат во 2024 година. Проценките се дека годинава ќе го зголемат производството на 13,7 милиони, а и понатаму ќе го зголемуваат, откако администрацијата на Трамп одобри нови договори за дупчење нафта покрај бреговите на Алјаска, Флорида и Калифорнија.
- Во април извозот на сурова нафта од САД достигна 5,6 милиони барели дневно, што е за 21% повеќе од досегашниот рекорд во декември 2023 година. Извозот на нафтени производи, вклучувајќи керозин и бензин, достигна највисоко ниво од декември 2024 година.
- Управата за енергетски информации соопшти зголеменото производство е резултат на подобрената оперативна ефикасност од извлекувањето нафта од шкрилци – операторите просечно добиваат повеќе нафта по бунар.
- Во карпесто засолниште во Сахара биле пронајдени две мумии стари 7.000 години чиј ДНК не ја потврдил верзијата која истражувачите ја очекувале.
- Анализата на нивниот генетски материјал открил дека тие не припаѓаат на ниедна позната лоза од која потекнуваат луѓето.
- Откривањето мумии денес само по себе е извонредно ретко а уште поизненадувачки е што нивниот генетски материјал ги преживеал условите и температурите во таа област.
- Двете женски мумии се класифицирани во категоријата „популација на духови“ која досега имала само ехо во денешните генетски материјали но никогаш не биле регистрирани директно и немало цврсти докази дека постоеле.
- Во тоа време Сахара не била пустина туку бујна и зелена савана, полна со диви животни и испреплетена со езера - едно од нив било големо колку денешна Германија.
