Вести › Набрзинка

Макрон воведува доброволна воена служба

27 ноември 2025

Франција повторно ја воведува воената служба за младите, но на доброволна основа. Елисејската палата во времето на Жак Ширак во 1997 година ја укина задолжителната воена служба, но Емануел Макрон реши да ги следи Германија и другите европски земји што ја враќаат за да го зголемат бројот на војниците.
Генералот Фабиен Мандон, командант на воените сили, неодамна предизвика бура во јавноста откако изјави дека „Франција ќе биде загрозена од новите закани ако не е спремна да губи свои деца“.
Целта на Макрон е бројот на активните војници да се зголеми од сегашните 200.000 на 210.000 до 2030 година, а резервниот состав да се дуплира од 40.000 на 80.000 припадници.
Германија најави дека за десет години ќе ја има најмоќната конвенционална армија во Европа од 260.000 војници (наспроти сегашните 182.000), но сè уште бара модел како да го направи тоа.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор