- Инжинерот Луковиќ пишуваше подобро од многу писатели и сигурно подобро од мнозинството новинари, при што не мислам на ордата денешните медиумски трудбеници, туку ги имам во вид оние кои важеа за новинари при крајот на 20-от и почетокот на овој, во голема мерка, упропастен век.
- Петар Луковиќ беше пристрасен, му беше должност да ја држи страната на она што го сметаше за добро. Тоа го правеше на начин кој сам го измисли, подвргнувајќи ги своите јунаци, зацапани во клишеа и демагогија, на брутално потсмевање. Нивните карактери или пак доследната бескарактерност ги исмеваше претерувајќи и претерувајќи, како што тоа го правеа Пајтоновци.
- Петар Луковиќ од државата доби премногу удари, повеќе отколку Жан Пјер Лео во филм на Франсоа Трифо, па удирањето не би го исклучил од анамнезата. Но државата никогаш не е виновна, нема пред кого да биде одговорна и никогаш нема грижа на совест, блазе си ѝ.
- Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
- Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
- Целта на организацијата, според обвинителите, била преземање контрола врз Републиканската партија и собирање фондови за претседателската кампања.
- Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.
- Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
- Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
- „Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
- Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.
