- Премиерот Ковачевски вчера од Грција повторно го промовира гасниот терминал во Александрополус.
- Инвестирање државни пари во странски капитални објекти под нејасни услови е уште едно нерационално и шарлатанско однесување на оваа владејачка гарнитура, која нема никаква визија, стратегија и план за управување со државата.
- Фамозната модернизација на Блок 1 во РЕК Битола досега генерирала непродуктивни расходи од 21 милион евра. 55% од расходите се за адвокатски трошоци и изгубени постапки.
- Вкупната вредност на гасна централа за производство на електрична енергија, со инсталирана моќност од 200 MW, по реални цени чини 160 милиони евра, додека во случајов на Владата, ќе чини 380 милиони евра.
- Јавно прашуваме, в чиј џеб ќе завршат 200 милиони евра од овој бомбона бизнис?
- Украинските сили со ракети од системот Химарс и дронови ја погодиле главната пумпна станица од нафтоводот Дружба со кој Русија им доставува нафта на Унгарија и на Словачка. Поради штетата, испораката ќе биде запрена најмалку пет дена.
- Шефот на унгарската дипломатија Петер Сијарто реагираше дека ова бил трет украински напад врз пумпата Унеча во регионот Бријанск, што го протолкува како „уште еден обид да бидеме вовлечени во војна“.
- Една половина од увозот на нафта Унгарија го добива преку Дружба. Будимпешта и Братислава настојуваат да бидеат изземени од санкциите од ЕУ за Москва, кои опфаќаат целосно откажување од увоз на руска нафта до 2027 година.
- „Унгарија ја поддржува Украина со струја и бензин, а тие за возврат го бомбардираат нафтоводот од кој се снабдуваме. Многу непријателски потег! Му посакуваме на претседателот Трамп успех во неговата мисија за мир“, порача премиерот Виктор Орбан.
- Агенти на ФБИ во Мериленд извршиле рација во домот на Џон Болтон, поранешниот советник за национална безбедност во првиот претседателски мандат на Доналд Трамп.
- „Никој не е над законот. Агенти на ФБИ во мисија“, порача директорот на федералната полиција Каш Пател.
- Токму во времето на рацијата, Болтон на својот профил на Икс објавил критика за пристапот на Трамп кон војната во Украина. Не е јасно дали објавата била закажана.
- Федералните власти пред неколку години отворија истрага за Болтон во врска со доверливи документи, но администрацијата на Џо Бајден ја запре поради „политички причини“. Во 2020 година Болтон беше обвинет дека обелоденил доверливи информации во својата книга „Собата во која сè се случи“. Наспроти протестите од Трамп, објавувањето на книгата не беше забрането.
