Вести › Набрзинка

Лавров: Само Британија, никако „Велика“

20 јануари 2026

Обединетото Кралство не треба да го нарекуваат Велика Британија, бидејќи била „велика“ само во времето на колонијализмот кој заврши, оцени шефот на руската дипломатија, Сергеј Лавров.
„Британија е единствениот пример на земја што се нарекува себе 'Велика'. Нема лутење“, изјави Лавров.
Тој спомна дека единствената друга земја со овој епитет во името - „Великата Социјалистичка Народна Либиска Арапска Џамахирија“ на Муамер Гадафи, повеќе не постои. Сега е Држава Либија.
Британците својата држава вообичаено ја нарекуваат Ју-Кеј (UK), скратено од Обединето Кралство на Велика Британија и Северна Ирска. На руски е Великобританија. Велика Британија всушност е името на островот на кој се Англија, Шкотска и Велс.

извор

Шведска се откажа од мРНК вакцини за ковид

28 октомври 2026

Од сезоната 2027/2028 па натаму, Шведска ќе користи само вакцина против коронавирус базирана на протеини во своите национални кампањи за вакцинација. Таа е првата земја во светот што се збогува со проблематичните мРНК вакцини на Фајзер и Модерна.
Нуваксовид е класична протеинска вакцина. Содржи готово парче од вирусот чиј протеин му се презентира на телото директно за да изгради имунолошки одговор. Се разликува од мРНК вакцините каде што клетките на телото мора сами да го произведат шилестиот протеин по добивањето на мРНК инструкцијата. А тоа се покажа како процес кој носи ризик од автоимуни реакции.
Шведска избра свој за време на пандемијата, не спроведувајќи карантини и затворања на училиштата. Нивниот пристап наидуваше на жестоки критики од ортодоксните блокадери ширум светот но сумарните резултати подоцна покажаа дека не биле глупи.

извор