Лавров: Европа го поткопува мировниот план на Трамп
28 јануари 2026
- Европските земји го поткопуваат мировниот план на Трамп со цел да постават свои воени бази во Украина, тврди шефот на руската дипломатија Сергеј Лавров. Според него, водечка улога во овие напори има Британија, која „сè почесто зборува во име на ЕУ“.
- Целта, според Лавров, е „да се задржи на власт сегашниот нацистички режим во Киев, кој „никогаш нема правно да ги признае Крим, Новорусија и Донбас како дел од Русија“.
- „За Русија е неприфатлив прекин на огнот по сегашната линија на разграничување, по која ‘Западот ќе помогне’, бидејќи тие сакаат таму да изградат бази. Во тоа сценарио (Франција и Британија) ќе испратат мултинационални сили во Украина, ќе изградат мрежа на воени позиции и ќе пумпаат повеќе оружје во Украина за да создадат закани за Руската Федерација“, изјавил Лавров на прес-конференција.
- „Идејата на Трамп, која ја дискутиравме и ја поддржавме во Енкориџ, беше категорично отфрлена од таа елитна европска група. За да ги остварат своите цели, тие се обидуваат да го убедат Трамп да ја принуди Русија да ги прифати“, вели Лавров.
