Вести › Набрзинка

Колумбија ги прекинува дипломатските односи со Израел

3 мај 2024

Колумбискиот претседател Густаво Петро најави дека деновиве неговата земја ќе ги прекине дипломатските односи со Израел заради нејзината бруталност во Газа.
Тој е гласен критичар на Нетанјаху и израелската политика и ја поддржуваше јужноафриканската иницијатива Израел да биде обвинет за геноцид од судот во Хаг.
„Не можеме да имаме дипломатски односи со влада и премиер кои се геноцидни“, порача Петро на првомајски собир во Богота.
Лани во октомври дипломатските односи со Израел ги прекина Боливија а неколку други земји од Латинска Америка (Чиле, Хондурас) ги повлекоа своите амбасадори од таму.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор