- Поранешен агент на ЦИА смета дека луѓето кои бегрижно користат јавно ви-фи без никаква заштита не се баш при памет.
- Тој се закачува на јавно ви-фи само преку VPN (виртуелна приватна мрежа).
- „Сакам да бидам сигурен дека мојот сообраќај е криптиран. Сакам да бидам сигурен дека иако живеам во Јута, кога сум на ВПН, некој да верува дека сум во Њу Џерси“, вели Џејсон Хансон.
- За Агенцијата работел седум години. Автор е на книгата „Шпионски тајни што можат да ви го спасат животот“, а сега води бизнис „Шпионски брифинг“ кој обучува познати и богати луѓе како да ја заштитат приватноста.
- Кир Стармер објави дека се повлекува од функцијата премиер на Британија откако ја изгуби довербата од сопствената Лабуристичка партија.
- Ќе остане да ја извршува функцијата додека партијата не избере нов лидер, веројатно до септември.
- Главен кандидат за негов наследник премиер е Енди Барнам, кој пред неколку дена победи на изборите за пратеник во Мејкерфилд, Манчестер, и го исполни условот да биде лидер на владата и на лабуристите.
- Тој ќе биде седмиот британски премиер во 15-годишниот мандат на мачорот Лари како „главен ловец од глувци“ во Даунинг 10. Лари во премиерската резиденција ги пречека и ги испрати Дејвид Камерон, Тереза Меј, Борис Џонсон, Лиз Трас, Риши Сунак и Кир Стармер.
- Преговарачките тимови од САД и од Иран ги опишаа како продуктивни првите директни преговори во Швајцарија, иако иранската делегација вчера предупреди дека ќе си замине поради вербалните закани од Доналд Трамп за нови напади. Иранците потсетиле дека во Меморандумот за разбирање двете страни се обврзаа да се воздржат од закани за употреба на сила.
- Преговорите продолжиле до доцна вечерта. Делегациите се согласиле да формираат Комитет на високо ниво, кој ќе обезбеди политички надзор на преговорите, и работни групи фокусирани на нуклеарните прашања, санкциите и другите спорови.
- Главното прашање било воспоставувањето механизам за да се гарантира прекинот на огнот помеѓу Израел и Хезболах во јужен Либан. Израел во саботата потпиша новo примирје и речиси веднаш го прекина со напади. Техеран реагираше со делумна блокада на сообраќајот низ Ормускиот проток.
- САД и Иран се договориле да воспостават „комуникациска линија“ за Ормускиот теснец, која ќе функционира сè додека траат преговорите, со цел да се избегнат инциденти.
- Иран, според претставници на медијаторите, добил дозвола за ограничен извоз на нафта и петрохемиски производи и му биле ослободени некои замрзнати сметки. Американските претставници не го потврдија тоа.
