„Сите бевме многу вознемирени. Како да не бидеме? Додека ние работиме со навигација на авионите, надвор во ходникот слушаме викање, расправање, тепачки... Кој може да се концентрира во таква ситуација? Како тоа не била загрозена безбедноста на авиосообраќајот, кога контролорите работеа во таква незивесност и вознемиреност?“ – велат револтирано контролори на летање со кои разговараше Плусинфо.

„Сега е моментот државата да расчисти со екстремниот партиски радикализам, со долгогодишната злоупотреба на оваа институција. Доколку тоа не го стори, ние ќе ја продолжиме борбата и ќе го одржиме најавениот штрајк, а македонското небо ќе биде затворено за авиосообраќај“,  велат контролорите на летање.

Нападот на партиските насилници под раководство на Беќим Незири од ДУИ, е кулминација во постојаната тортура што оваа партија ја врши во ова јавно претпријатием, првенствено поради високите плати, кои се над 2.000 евра, а за директорските функции достигнуваат и до 6.000 евра бруто.