Вести › Набрзинка

Јурица Паѓен побогат за 40.000 евра од негов стих на канти за ѓубре

30 септември 2025

Поради налепниците оставени на кантите за отпадоци во Загреб по завршувањето на кампањата за селектирање отпад, Јурица Паѓен (Аеродром, Парни Ваљак, Азра) првично побарал од Градот Загреб да му исплати 180.000 евра за авторски права.
Кампањата, која започна во март 2018 година, требало да трае до август 2022 година, и вклучуваше налепници на дел од контејнерите за селектирање отпад со познатиот наслов на песната на Паѓен и Аеродром: „Stavi pravu stvar na pravo mjesto“.
Иако кампањата има завршено пред повеќе од две години, налепниците на контејнерите останале а договор за тоа со авторот на песната Загреб немал.
За да се избегне судска тужба а и поради фактот дека и отстранувањето на налепниците ќе го чини градот пари, се договориле Загреб да му исплати на Паѓен 40.000 евра.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор