- Израелските сили им забранија на високите офицери да користат телефони со оперативен систем Андроид поради безбедносни причини.
- Офицерите со повисок чин од потполковник во официјалните комуникации ќе мора да користат Ајфони, кои се оценети како поотпорни на хакирање.
- Службите за безбедност одамна предупредуваа дека Хамас, Хезболах и други непријателски групи ги користат социјалните платформи и апликациите за пораки за да ги следат движењата на израелските трупи.
- Израелските разузнавачки експерти укажуваат и дека преку Андроид полесно се уфрлаат апликации што овозможуваат пристап до меморијата и снимените комуникации.
- Испораките на сурова нафта преку Ормускиот проток во изминатата недела се приближија речиси до нивото пред војната на САД со Иран. Разликата е што американската поморска блокада не дозволува транспорт на иранска нафта.
- Според податоци на Kpler, седумдневниот просек на транзит во понеделникот достигнал 13,5 милиони барели на ден, колку што бил и во февруари од земјите од Персискиот залив, без Иран.
- Извозот на Саудиска Арабија од 6,4 милиони барели на ден го надминал просекот од 5,4 милиони барели во 2025 година. Дел од својата нафта Саудијците извезуваат и преку Црвено Море.
- Сепак, глобалната криза со гориво продолжува бидејќи протокот на рафинирани нафтени производи е 677.000 барели на ден, за разлика од 3,6 милиони барели пред да почне војната.
- Русија и Кина објавија забрана за извоз на дизел. Со забрана за извоз се закани и американскиот претседател Трамп, кој ги притиска европските земји да почнат да ги користат своите стратешки резерви на гориво за да ги спуштат цените на бензинските пумпи.
