- Израелскиот министер за национална безбедност Итамар Бен Гвир, најрадикалниот јастреб во воениот кабинет на Нетанјаху, ги повика еврејските доселеници да почнат да ги населуваат и териториите што израелските сили ги окупираа во Јужен Либан.
- „Населете се во Либан! Тоа ни треба и имаме вистински планови. Да ја поттикнеме и миграцијата од Газа и од Западниот Брег исто така. Населете се во Либан! Не плашете се од никаков притисок“, порача Бен-Гвир.
- Израелските сили веќе „израмнија терен“ за доселенички населби во Либан, јужно од реката Литани. Во име на „војната против Хезболах“ протераа десетици илјади Либанци и потоа буквално срамнија со земја цели села, културни и верски споменици, археолошки локалитети, овоштарници... за да нема каде да се вратат.
- Бен Гвир денеска им се придружи на израелски екстремисти при провокативната посета на храмот во Ерусалим и повика на анексија на Источен Ерусалим, кој според меѓународното право им припаѓа на Палестинците. „Со голема гордост го креваме знамето на Израел. Ерусалим е наш и земјата Израел е наша. Не смееме да се срамиме“, повика Бен-Гвир.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
