- Италија, Бугарија, Малта и Чешка се придружија на белгиското противење на грабежот на руски пари од депозитарот Euroclear и ја повикаа Европската комисија да понуди алтернативни решенија со предвидливи параметри за финансирање на Заемот за репарации за Киев.
- Еврокомесарката за надворешни работи Каја Калас истакна дека дури и со противењето на овие земји Заемот за репарации може да се одобри со квалификувано мнозинство. За ЕУ, сепак, е важно да се обезбеди поддршка од Белгија, која е главниот чувар на средствата.
- Лидерите на ЕУ на самитот во четврток мора да решат како да ги задоволат финансиските и воените потреби на Киев од 90 милијарди евра за следните две години. Планот е да се пренасочат блокирани руски средства во бескаматен кредит за Украина, кој Киев би го вратил откако ќе добие воени репарации од Москва, што е прилично неостварливо сценарио.
- На овој грабеж се противи Белгија, бидејќи 185 милијарди се чуваат во централниот депозитар Euroclear во Брисел. Руската централна банка веќе поднесе тужба против Euroclear. Комисијата ѝ вети на Белгија дека ќе ја заштити од судски пресуди. За да спречи криза на ликвидност, во петокот ги блокираше на неодредено време сите руски суверени средства во европските банки, во вкупна вредност од 210 милијарди евра.
- „Во секој случај, ние нема финансиски да придонесуваме за помошта. Не можеме да обезбедиме никакви пари од чешкиот буџет или гаранции“, изјави новиот чешки премиер Андреј Бабиш.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
- Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
- Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
- Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
- Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
- Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
- Кажавме што имаме да кажеме.
