Вести › Набрзинка

Иран возвраќа: Експлозии во Бахреин, Катар, Кувајт и Абу Даби

28 февруари 2026

Иран возврати на нападите со проектили лансирани кон Израел и кон американски цели во регионот.
Во Бахреин, по силна експлозија се кренал облак од чад на локацијата на Штабот на Петтата морнаричка флота на САД.

Во Кувајт одекнале неколку експлозии и се огласиле сирените за тревога од воздушен напад.
Најмалку една експлозија имало во Абу Даби, во Обединетите Арапски Емирати.
Катар објави општа тревога и им порача на граѓаните да бегаат подалеку од воените објекти што може да бидат цели.
Тревога е објавена и на целата територија на Израел. Неколку проектили биле пресретнати, а имало една експлозија во Тел Авив.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор