- Индонезија објави прекин на сите дискусии за предложената иницијатива на американскиот претседател Доналд Трамп, Одбор за мир.
- Министерот за надворешни работи на Индонезија рече дека одлуката е донесена поради најновата воена ескалација во регионот, што директно влијае врз приоритетите на надворешната политика на земјите вклучени во иницијативата.
- Кажано е дека Индонезија ќе одржи интензивни консултации со своите партнери во регионот на Заливот, бидејќи тие се директно погодени од тековните напади и растечките тензии.
- Одлуката за прифаќање на поканата на Трамп беше дочекана со жестока критика во Индонезија, земја во која изразено силна е поддршката за Паластина. Се толкуваше како своеволен потег на претседателот Прабово Субианто, донесена под притисок и закани од Трамп.
- Во периодот од 2019 година до 2 март 2026, кога сега починатата Ивана Јовановски, донела одлука да си го одземе животот, нејзин сопруг со кого била во бракоразводна постапка, во повеќе наврати и во континуитет физички и психички ја малтретирал, ја навредувал, ја тепал, ја понижувал и ѝ нанесувал видливи повреди по целото тело. Овие настани ги пријавувала и таа и очевидци.
- „Ваквото сурово и нечовечно постапување се интензивирало во текот на 2025 и 2026 година, поради што сега починатата се нашла во безизлезна состојба и се одлучила на самоубиство, го зела во рацете детето и скокнала од балконот на шестиот кат од станот во кој што живееле, по што двете паднале на бетонската подлога пред зградата и починале на лице место“, соопшти денеска ОЈО Скопје.
- На критичниот ден претходеле неколку настани, а осомничениот најпрво се заканувал и започнал да ја удира оштетената во близина на нејзиното работно место. Потоа, додека со автомобил управуван од трето лице се возеле кон Основниот кривичен суд Скопје, продолжил да ѝ се заканува дека ќе ја убие со што предизвикал кај неа чувство на страв и несигурност. Во близина на судот физички ја нападнал и и нанел телесни повреди – хематоми по главата и телото. Откако од училиште ја зеле 6-годишната ќерка, сведокот ги однел до домот за оштетената да се спакува и да ја носи кај мајка и. Додека сведокот и осомничениот седеле пред зградата, оштетената се заклучила во станот со детето и од таму го извршила самоубиството, се вели во соопштението.
- Адвокатот Тони Менкиноски соопшти дека бугарските власти му изрекле забрана за влез во Бугарија во траење од 10 години, наведувајќи дека претставува закана за националната безбедност.
- Одлуката му била врачена на 6 март 2026 година на граничниот премин Златарево, кога се обидел да влезе во земјата.
- Менкиноски посочува дека мерката е донесена без конкретно образложение и смета дека е поврзана со неговата работа како адвокат кој ги застапува Македонците во Бугарија пред Европскиот суд за човекови права во Стразбур.
- „Прогласувањето на адвокат за закана за националната безбедност затоа што ги брани човековите права претставува опасен преседан за Европа“, изјави Менкиноски и најави дека ќе ја оспори одлуката и дека за случајот ќе ги информира македонските институции, како и европски и меѓународни организации за човекови права.
