Вести › Набрзинка

Игнорирајте СМС пораки од „Македонски пошти“, ќе ве сокузат

19 декември 2024

Под маска на Македонската Пошта, измамници извлекуваат податоци од потенцијалните жртви.
Шемата е иста како и досегашните случа: измамата започнува преку SMS порака со текст и линк, кој што потоа ја носи жртвата на веб-страница.
Веб-страницата е прилично едноставна и меѓу другото има и форма за внесување сензитивни податоци. Целта е добро позната, да се извлечат лични податоци и податоци од платежна картичка на жртвата.
А потоа - чистење на картичката.

7 јули 2025

Акциите на Тесла вртоглаво паѓаат откако нејзиниот сопственик Илон Маск најави дека ќе формира Американска партија, како трета политичка опција во земјата. Инвеститорите продаваат, убедени дека навлегувањето на Маск на политичката сцена ќе им нанесе голема штета на неговите компании.
Во тргувањето пред отворањето на берзите, вредноста на акциите падна за 7%, со проценка дека загубите на Тесла ќе достигнат 70 милијарди долари. Загубите на Маск лично би биле 9 милијарди во еден ден.
Претседателот Доналд Трамп синоќа ја оцени Американската партија како „смешна“.
„Третите партии никогаш не функционирале, па тој може да се забавува, но јас мислам дека е смешно. Жал ми е што гледам како Илон Маск во изминатите пет недели излета од колосек и стана крш“, порача Трамп на својата социјална мрежа.

Тој повторно оцени дека Маск е гневен поради бришењето на субвенциите за електрични возила во новиот Голем убав закон за буџет и трошоци на САД.

7 јули 2025

Доналд Трамп ќе воведе дополнителни 10% тарифи за увоз на производи од земјите од блокот БРИКС (Бразил, Русија, Индија, Кина и Јужна Африка).
„Секоја земја што се приклонува кон антиамериканските политики на БРИКС ќе добие уште 10% тарифи. Нема да има исклучоци за оваа политика“, објави Трамп.

БРИКС вчера го почна својот самит во Рио, на кој не присуствуваат рускиот претседател Владимир Путин и кинескиот Си Џинпинг. На отворањето, бразилскиот лидер Лула да Силва изјави дека земјите од блокот денес претставуваат една половина од светското население и 40% од глобалната економија.
Задутре завршува рокот од 90 дена што Трамп им го даде на земјите низ светот да склучат билатерални трговски договори со САД или да се соочат со „реципрочните тарифи“ што ги најави во април. Со некои земји е постигнат договор, а 12 до 15 поголеми партнери и стотина помали ќе добијат писма со ултимативни понуди. Министерот за трговија Хауард Лутник објасни дека царините ќе стапат на сила од 1 август.