Вести › Набрзинка

И Швајцарија му раскина на Микрософт

15 септември 2026

Швајцарската федерална администрација започна пилот-програма вредна 9 милиони франци за префрлање на 3.000 компјутери на openDesk – германски канцелариски софтверски пакет со отворен код.
Целта е да се постигне дигитален суверенитет, следејќи ги примерите на Данска, Франција и Германија.
Тоа е истиот софтвер што Меѓународниот кривичен суд во Хаг лани, откако американската администрација воведе санкции за неговиот главен обвинител, а Микрософт послушнички ја заклучи неговата корисничка сметка.

Види и:

Американските санкции удрија по Хаг

Америка отвора војна против меѓународниот суд бидејќи онаа со Иран е понезгодна

извор

Нова кривична за Стевчо Јакимовски и за две службенички во Карпош

15 септември 2026

Одделот за криминалистичка полиција-Сектор за економски криминал и корупција во координацијa со СВР Скопје Единица за економски и компјутерски криминал, постапуваше по издадена наредба од ОЈО Скопје и по преземени мерки и активности до ОЈО Скопје достави кривична пријава против:
- Благица Блажевска за четири кривични дела злоупотреба на службена положба и овластување,
- Симона Серафимовска Ѓуреска за две кривични дела злоупотреба на службена положба и овластување и
- Стевчо Јакимовски.
Двете ја злоупотребиле својата службена положба и овластување зашто иако знаеле дека инвеститори имаат основен проект изработен спротивно на важечкиот урбанистички план, наместо да им го вратат предметот на доработка, им издале одобрение за градење.
Поранешниот градоначалник на Карпош се товари за кривично дело несовесно работење во службата.

извор

Во Хрватска ќе ги закопуваат „по американски“

15 септември 2026

Во Мурско Средишќе, најсеверниот хрватски град, се воведува тн. американски начин на закоп кај кој, наместо класичен надгробен споменик, се поставува рамна плоча а остатокот од површината се покрива со трева која ќе ја одржува локално погребно претпријатие.
Ако се покаже доволен интерес, некои гробишта нема да мора да се прошируваат бидејќи на овој начин се штеди на простор.
И за семејствата е поевтино, поради кратење на трошоците за поставување голем надгробен споменик и негово одржување.
За првите купци понудиле и 10 посто попуст.

извор