- Хрватското министерство за култура и медиуми покрена пилот-проект „Културна картичка“ со која на младите им се помага да следат културни содржини по свој избор.
- Секој што во 2026 година ќе наполни 18 години ќе добие 100 евра кои ќе може да ги троши до свои 19 години.
- Картичката ќе може да се користи во цела Хрватска за со неа да се плати карта во локални кина, културни центри, музеи или пак онлајн да се купат книги.
- Ќе може да се плати карта за кино но не и пуканки и сок, книги да но не и маици или шољи а што се однесува до концерти, засега се важи само класична музика и џез.
- Од министерството велат дека ќе биде интересно после една година да се види за што младите биле најзаинтересирани.
- Проектот ја чини државата 4.9 милиони евра.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
