- Хрватската академија ѝ предложи на владата еден од условите за пристапување во ЕУ да биде Бeлград „јавно и недвосмислено да го признае хрватскиот јазик“ како посебен.
- Ова станува официјален став на ХАЗУ со образложение дека српски институции финансирани од државата со години го негираат хрватскиот јазик и го присвојуваат хрватското книжевно наследство, особено на Дубровник.
- Академијата има забелешки и на образовниот програм во училиштата во Србија.
- Претседател Владимир Путин присуствуваше на свеченото крштевање на „Перм“, првата руска нуклеарна подморница опремена со хиперсонични ракети „циркон“.
- „Перм“ е шестата руска подморница од класата „Јасен“, произведена во бродоградилиштето Севмаш кај Мурманск во Арктикот.
- Проектилот циркон со дострел од 900 километри лета кон целта со брзина од 3 километри во секунда, поради што е тешко да се пресретне. Циркони лани два пати беа употребени против цели во Украина.
- Еропската „коалиција на подготвени“ на самитот во Париз не успеа да усогласи цврсти безбедносни гаранции за Украина.
- На самитот билe договорени понатамошна помош за украинската војска и распоредување европски сили за поддршка далеку од фронтот.
- „Европа мора да биде подготвена за секакво сценарио, дури и за безбедносна иницијатива без поддршка од САД“, изјави францускиот претседател Емануел Макрон.
- Европските лидери заклучиле дека „сега не е времето“ за да се укинуваат санкциите за Русија.
- Шефовите на армиите на Франција, Британија и Германија ќе го посетат Киев за да ја усогласат поддршката за идната украинска армија, заради пошироки безбедносни гаранции, изјави британскиот премиер Кир Стармер.
