- Нова регулатива во Хрватска попрецизно ќе ги пропише медицинските критериуми за утврдување на смртта на лице чии делови од телото можат да се земат за трансплантација.
- Покрај критериумите за прогласување мозочна смрт, кои досега беа дефинирани, ќе биде пропишано и утврдување на смрт поради циркулаторен застој - кога срцето и циркулацијата престанале да работат, по што, во пропишано време и под строг надзор, функцијата на мозокот исто така престанува да функционира.
- „На прв поглед, може да изгледа како техничка промена за усогласување на хрватскиот систем со европските и глобалните медицински стандарди. Во пракса, тоа дава одговара на реален проблем: недостатокот на органи за пациенти што чекаат трансплантација“, објаснува анестезиолотог Жељка Гаврановиќ.
- Досега, донација на органи во Хрватска беше можна само по утврдување на мозочна смрт. Новите прописи прв пат воведуваат можност за донација по неповратно прекинување на циркулацијата.
- Во Хрватска, секој човек е донатор освен ако не побара поинаку во текот на животот. Со 110 донори, или 28 на 1 милион жители, лани била на петтото место во светот според донации и трансплантации на органи. За една година биле извршени 121 трансплантација на бубрег, 123 на црн дроб, 30 на срце, 12 на бели дробови, 4 на панкреас и 1 на тенко црево.
- Герман Греф, директорот на најголемата руска банка Сбербанк, повика војната во Украина да запре „што е можно побрзо“.
- Тој е еден од ретките високи раководители лојални на Кремљ што се спротивставил на војната, која во изминатите месеци почна сериозно да ги оптоварува економијата и финансискиот систем на Русија.
- „Мислам дека сите сме загрижени за истото. Нема ниту еден човек во земјата кој е загрижен за нешто друго освен за брзо завршување на воената акција. Тоа е очигледно“, рекол Греф на состанок со акционерите.
- Сбербанк е најголемата банка во Русија, контролира огромен дел од штедните влогови и корпоративните кредити во земјата. Со оглед на тоа што е во мнозинска сопственост на руската влада, таа претставува столб на банкарскиот систем на земјата.
- Новата унгарска влада го укина статусот на бегалец на поранешниот полски министер за правда Збигњев Зјобро и на неговиот заменик, кои избегаа во Будимпешта откако во својата земја беа обвинети за за злоупотреба на службената должност.
- Поранешниот премиер Виктор Орбан им додели азил на Зјобро, неговата сопруга и на заменикот Марчин Романовски, кој исто така е соочен со обвинение.
- Зјобро и Романовски се соочуваат со обвиненија за злоупотреба на пари од фонд за помош на жртвите на криминал. Тие ги отфрлаат обвиненијата и тврдат дека се жртви на политички „лов на вештерки“ бидејќи истражувале злоупотреби од страна на луѓе блиски до сегашниот полски премиер Доналд Туск.
- Двајцата веројатно повеќе не се во Унгарија. На 9 мај - денот кога новиот унгарски премиер Петер Маѓар положи заклетва – Зјобро бил забележан на аеродром во САД, а не е познато каде се наоѓа Романовски.
