Вести › Набрзинка

Холивуд се подели околу бојкотот на Израел

28 септември 2025

Потписниците на ова писмо ќе одбијат да соработуваат со израелски институции кои се „вмешани во геноцидот и апартхејдот над палестинскиот народ,“ се наведуваше во повикот на бојкот кој го потпишаа над 5.000 филмски работници од Холивуд.
Меѓу потписниците се Ема Стон, Хоакин Феникс, Руни Мара, Јоргос Лантимос, Марк Руфало, Тилда Свинтон, Хавиер Бардем....
Неколку недели подоцна, 1.200 познати луѓе од Холивуд се потпишаа на контра-писмо, со кое бараат од колегите да се преиспитаат и порачуваат дека бојкоти на Израел долго време биле орудие на авторитарни режими.
Меѓу овие потписници се Лиев Шрајбер, Дебра Месинг, Џин Симонс, Шерон Озборн, Ребека Де Морнеј....
Преведено на српски прилики, едниве се „блокадери“ а другиве се „ќаци“

6 ноември 2026

Извршниот директор на Тесла, Илон Маск, најави дека следната година ќе биде намалено производството на Сајбертракот, за да се фокусира на комплетно автономните такси возила.
Електричната Годзила се произведува само во мега-фабриката на Тесла во Остин и засега нема најави дека производството може да биде преместено на други локации.

„Конечно, иднината ќе изгледа како иднина,“ ентузијастички изјави Маск при лансирањето во 2023 година но возилото не ги исполни продажните надежи: во САД пречка за тоа беше електричниот погон а во Европа габаритот.
Појавата на Сајбертракот како ретко која кола ги подели луѓето: на едни им беше екстремно грд, на други преубав од што е екстремно грд.