- Министерот за одбрана Пит Хегсет им нареди на сите генерали и адмирали од Армијата, Воздухопловните сили, Морнарицата, Маринците и Вселенските сили, вкупно околу 800 на број, да се соберат во вторник во базата на морнаричкиот корпус во Квантико, Вирџинија, без да ја наведе причината.
- Наредбата важи и за генералите и адмиралите што се стационирани во базите и командите низ Европа, Блискиот Исток и Азиско-пацифичкиот регион.
- Никој во Пентагон не памети собир на целиот воен врв, особено без наведена причина. Секој командант обично патува со својот виш советник и неколку помошници, што значи дека во Квантико ќе се соберат над 1.000 офицери.
- Оваа необична директива предизвика конфузија и вознемиреност, зашто се поклопува со најавеното масовно отпуштање на офицери, функционери и службеници од јавната администрација. Хегсет спроведе радикални промени во Пентагон. Министерството за одбрана го преименува во Министерство за војна, нареди консолидација на воените команди преку отпуштања на 20% на највисоките офицери.
- Генерали нагаѓаат дека Хегсет можеби ги повикал за да им објави нова одбранбена стратегија или да им одржи предавање за новите воени стандарди.
- Следејќи некои „дебати“ на социјалните медиуми неодамна, се’ повеќе сум уверен дека се враќаме наназад и стануваме поглупави и понефункционални како општество.
- Можеби повеќе не сме Homo sapiens – „мудриот човек“. Ниту пак сме Homo economicus, наводно рационалниот актер во класичната економија. Сè повеќе стануваме Homo idioticus – суштество дефинирано, не од мудрост или логика, туку од емоционални импулси, дезинформации и интелектуална инерција.
- Изгледа на социјалните медиуми им се потребни „идиоти“. Затоа станаа нивен расадник. Не гледам проблем во тоа да им дозволиме на „идиотите“ да кажуваат идиотски работи. Друго и не може да очекувате од „идиотот“. Проблемот е што платформите преживуваат со пронаоѓање на највирулентните идиотизми и нивно глобално ширење. Едноставно кажано, благодарение на социјалните медиуми, „идиотите“ сега имаат платформа да ја објават својата глупост пред целиот свет.
- СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
- Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
- Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
- Ваквиот речник не бил само личен напад, туку дел од поширок проблем на деградирање на жените во политиката.
