- За три години ГТЦ има потрошено 2,4 милиони евра за набавка на електрична енергија од добавувачот Енерџи Актив.
- Според дуќанџиите ГТЦ има огромен празен простор во подрумот којшто е запечатен и никој нема пристап до него.
- Вчера со интервенција на полицијата во подрумот беше откриена фарма за копање криптовалути.
- Директорот на ГТЦ, Ѓоко Трајчевски, се уште не одговара кој ги изнајмува и кој ја плаќа струјата за подрумските простории.
- „Израел и Иран се согласија на целосно и ТОТАЛНО ПРИМИРЈЕ... во траење од 12 часа, по што војната ќе се смета за ЗАВРШЕНА!“, напиша Трамп во објава на неговата социјална мрежа.
- Американскиот претседател вели дека двете земји истовремено побарале од него да помогне да се стави крај на непријателствата.
- Иранската државна телевизија тврди дека прекин на огнот му бил наметнат на Израел по успешниот воен одговор на Иран. Претходно, Техеран изврши напад врз американската база во Катар како одговор на претходното бомбардирање на нивните локации за збогатување ураниум.
- Шефот на иранската дипломатија тврди дека не постои никаков договор за прекин на огнот и порача дека Иран дополнително ќе донесе одлуки во врска со ситуацијата.
- Иранската државна телевизија пренесе дека и Израел ја нападнал локацијата за збогатување ураниум, Фордоу, само два дена откако тоа го сторија американските бомбардери што беше оценето како импресивен воен успех.
- Истовремено, израелското МНР соопшти дека нивните оружени сили, „со интензитет без преседан,“ маваат по срцето на Техеран.
- Меѓу другото, бил уништен влезот на затворот Евин за кој Тел Авив смета дека држи политички затвореници и противници на Исламската република.
