Вести › Набрзинка

Грузија: ЕУ е специјално одговорна за обидот за пуч во Тбилиси

6 октомври 2025

Петмина организатори на нападот врз претседателската палата во Тбилиси во саботата се обвинети за поттикнување насилство заради соборување на уставниот поредок. Грузискиот премиер Иракли Кобахиѕе бара „специјална одговорност и од Брисел, откако амбасадорот на ЕУ Павел Херчински ги поддржа протестите.
„Знаете дека одредени лица од странство, вклучувајќи го и претставникот на Европската Унија, изразија директна поддршка на обидите за соборување на нашиот уставен поредок“, изјави Кобахиѕе. Тој не најави конкретни мерки, но објави дека „целосно ќе ги неутрализира странските агенти“ во Грузија.
Опозицијата ги бојкотираше локалните избори во Грузија во саботата, па кандидатите на владејачката партија Грузиски сон освоија мнозинство во сите општини. Вечерта по гласањето во Тбилиси почнаа проевропски протести, кои прераснаа во насилство и напад врз претседателската палата. Во судирите беа повредени 21 полицаец и шест демонстранти.
Шефиците на дипломатијата на ЕУ, Каја Калас и Марта Кос, во заедничка изјава ги отфрлија обвинувањата дека Брисел имал какво било влијание врз организирањето на протестите. Тие ги осудија властите дека не овозможиле демократски и фер услови за одржување на изборите поради „напади врз независните медиуми, усвојувањето закони насочени против граѓанското општество, затворањето политички противници и активисти“.

извор

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор