За изјавата на Кацарска дека не постои судија што осудил без докази, Груевски вика– кога е сама дома, нека се погледне во огледало.

Еве што направи жената брзајќи да не осуди и да ја добие ветената награда да стане претседател на уставен суд. Ги испита сите сведоци предложени и од СЈО и од одбраната: сите до еден сведочеа во наша полза, пишува Груевски на Фејсбук.

Сè се сведе за сите нас тројцата (тој, Ѓоко Поповски ои Гордана Јанкуловска - н.з.) само на база на 2-3 нелегално прибавени снимки кои видовме во случајот со Мартин Нешковски како Заев си ги крател и моделирал, како што и самиот јавно призна дека демек биле многу долги па ги потскатрил. Како да збориме за кастрење лозје а не за “снимки” со кои некого го прогласуваат виновен и го ставаат во затвор.

Вистинската причина за тоа лудило беше дека проценија дека тој предмет може најбрзо да се заврши и пред финалното гласање за уставот за името да не сум на слобода, а и генерално што побрзо да ме предадат на “екипата” од Диво Насеље која ме чекаше во истиот затвор Скопје. Токму затоа Кацарска држеше по 3-4 рочишта неделно од 10 до 22 часот а и во другите работни денови ни набиваа судења за други предмети за да немаме никакво време за анализа и подготовка за следниот ден.