- По новиот грчки закон кој ја регулира интелектуалната сопственост, предвидени се казни за пристап до нелегално набавени содржини како што се пиратските IPTV срвиси.
- Казните почнуваат со 750 евра а во случај на комерцијална употреба, најниската казна е 5.000 евра. Во случај на повторени прекршоци, казните се дуплираат, на 1.500 односно 10.000 евра.
- Министерката за култура се надева дека со овој чекор ќе се надополнат постојните мерки за блокирање на пиратски интернет страници и сервиси.
- Практично е невозможно човек да биде фатен дека гледа пиратски IPTV, но можно е тој да биде откриен ако „падне“ провајдерот на сервисот па се дојде до податоците за неговите корисници.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
