Вести › Набрзинка

Франција во септември ќе ја признае Палестина

25 јули 2025
  • Претседателот Емануел Макрон објави дека Франција ќе ја признае Палестина во септември, на Генералното собрание на Обединетите нации во Њујорк.
  • „Конечно мора да ја изградиме Државата Палестина, да ја обезбедиме нејзината одржливост и да ѝ овозможиме, со прифаќање на нејзината демилитаризација и целосно признавање на Израел, да придонесе за безбедноста на сите на Блискиот Исток“, порача Макрон.
  • Израелскиот премиер Бенјамин Нетанјаху ја опиша одлуката на Елисејската палата како „награда за теророт“ и оцени дека „создава ризици за создавање нова марионетска сила, како Газа, која би била платформа за уништување на Израел“.
  • Државниот секретар на САД Марко Рубио ја оцени одлуката како „непромислена“ и како „шамар во лицето на жртвите на нападот на Хамас од 7 октомври 2023 година“.
  • Норвешка, Шпанија, Ирска и Словенија лани ја признаа Палестина, како реакција на израелската воена операција во Газа.
извор

САД ќе дозволат повисоки дози на зрачење од нуклеарните централи

3 јули 2026
  • Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
  • Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
  • Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
  • Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.
извор

Заради пијани туристи, Сплит забранува ноќно продавање алкохол

3 јули 2026

  • Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.

  • Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.

  • Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.

  • „Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.
извор

Штета ако сте пропуштиле

Ноќеска во Чаршија

Јазикот ги чува границите?

Српскиот Шрек на дугметара

За домашните црепови што веруваа дека поинаку ќе нè викаат