- Докторот Ентони Фаучи е повикан повторно да сведочи пред Сенатот на САД за обвинувањата дека влијаел врз извештаи за потеклото на пандемијата на ковид и за финансирањето на истражувања за „стекнување функции“ кај вируси.
- Комисијата за безбедност на Сенатот сака да утврди дали Фаучи го довел во заблуда Конгресот за време на претходните сведочења кога негираше дека американскиот Национален институт за здравје (NIH) финансирал ризични истражувања на Институтот за вирологија во Вухан.
- Сенаторот Ренд Пол објави дека Фаучи ја одбил поканата доброволно да се појави пред Комисијата. Ако сега одбие, може да биде приведен.
- Документи што неодамна ги објави шефицата на националното разузнавање Тулси Габард укажуваат дека Фаучи влијаел врз проценките на американските агенции во врска со потеклото на вирусот.
- Поранешниот службеник на ЦИА, Џејмс Ердман, сведочеше под заклетва пред Конгресот дека Фаучи намерно препорачувал научници што го поддржуваат неговиот наратив дека вирусот SARS-CoV-2 се проширил по природен пат, а не од лабораторија.
- Компанија која го снабдуваше РЕК Битола со јаглен ја купи фирмата МГФ ИНВЕСТМЕНТ ДООЕЛ Скопје на бизнисменот Зоран Антиќ и се стекна со акции откако влезе во сопственичката структура на „Македонијатурист“, нашата најголема хотелиерска компанија.
- МГФ ИНВЕСТМЕНТ ДООЕЛ Скопје е основана во 2025 година со регистрирана дејност – останати услужни дејност, но се уште нема остварено деловна активност. Таа е фирма основана оф МГ Фешн на Зоран Антиќ кој го гради станбено-деловниот комплекс на паркингот кај Холидеј ин, хотел кој е во сопственот на „Македонијатурист“.
- Новиот сопственик на МГФ, ПРОМЕТ СТЕЕЛ ХОЛДИНГ е во сопствеништво на Абедин Алиу и неговата потесна фамилија.
- Луѓето низ светот имаат попозитивно мислење за Кина отколку за САД, според ново истражување на центарот Пју спроведено со над 42.000 луѓе во 36 земји на шест континенти. Во дури 27 земји Кина е опишана како попозитивна од САД.
- „Рејтингот на САД е на историски минимум или блиску до него“, изјави Лора Силвер, авторка на извештајот. Причини има повеќе: војната против Иран, грабнувањето на венецуелскиот претседател Мадуро, нападите врз бродовите во Карибите, воведувањето царини, укинувањето програми за помош и заканите од Трамп за анексија на Гренланд, Канада и Панамскиот канал.
- Во исто време, мислењето за Кина низ светот е значително попозитивно во споредба со периодот на пандемијата на ковид, кога беше на најниско ниво.
- Забележан е тренд на пораст на популарноста на Кина во земјите низ кои ја пробива својата трговско-инфраструктурна иницијатива Појас и пат – во Централна Азија и во Африка.
- Меѓу земјите што сега гледаат на Кина попозитивно отколку на САД се и традиционалните американски сојузници, како Канада, Британија, Франција и Германија. Земји со изразени проамерикански ставови се кинеските ривали - Јапонија, Индија и Јужна Кореја, но и Полска и Унгарија во Европа. Во Израел 81% имаат позитивен став за САД, а само 19% за Кина.
