- Европа за еден до три месеци ќе остане со критичен недостиг на резерви од гас ако продолжи блокадата на Ормускиот проток, предупредува норвешкиот енергетски гигант Еквинор АСА.
- Изминатата зимска сезона Европа ја заврши со резерви на гас од 28%. Поради блокадата на танкерите со гас од Катар, нивото на складирање достигна 35-37%, што е значително помалку од сезонската норма од 50%. Зголемен е ризикот дека нема да биде остварена вообичаената цел резервоарите да бидат полни 90% до почетокот на идната грејна сезона.
- Холандија ја заврши зимската сезона со резерви од 5,8% - најниски во изминатата деценија. Во Германија капацитетите паднаа под 20%.
- Европа има тешкотии да купи и течен природен гас, поради огромната побарувачка од земјите во Азиско-пацифичкиот регион, кои масовно купуваат, не прашувајќи колкава е цената.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
