ЕУ го отвора внатрешниот пазар за возачи на камиони кои не се од Европа. Се очекува да бидат регрутирани главно од Египет, Бангладеш, Пакистан, Мароко, Тунис и Кенија.
Европската комисија планира да ги поедностави процедурите и да воспостави заеднички правила за заштита на возачите од злоупотреба за да обезбеди фер услови за работа за возачите кои не се од Европа. Досега, регрутирањето возачи надвор од Унијата беше домен на приватни компании и поединечни земји-членки.
ЕУ бирократијата која уште не може/не сака да најде решение за професионалните шофери од Македонија и Балканот, проценила дека само преку горенаведните мерки Европа реално може да пополни околу 500.000 слободни работни места во транспортниот сектор на ЕУ.
Пилот проектите за возачите од белиот (црниот) свет ќе започнат во втората половина на 2026 година, пренесува Вишеград24.
Калифорнија губи двајца од најпознатите нејзини жители и дарежливи политички донатори.
Стивен Спилберг се пресели во Њујорк а Марк Закерберг фрлил око на имот во Флорида, пернсува ЛА Тајмс.
Нудат поинакви објаснувања за своите преселби (Спилберг вика дека сакал да биде поблиску до децата и внуците) но тешко дека некој ќе верува дека не се работи за избегнување на калифорнискиот данок за оданочување на оние кои имаат над милијарда долари: еднократно пет проценти од целото нивно богатство.
Со овој данок државата планира да собере 100 милијарди кои ветува дека ќе ги пренасочи кон поквалитетни здравствени услуги. Критичарите предупредуваа дека само ќе се избркаат најбогатите.
Заминување од Калифорнија најавија или веќе остварија Питер Тил, Дејвид Сак, ко-основачите на Гугл....
Стивен Спилберт тежи седум милијарди долари, Закерберг 219 милијарди.
Бритни Спирс и њујоршката издавачка куќа Primary Wave потпишале договор за продажба на целиот музички каталог на пејачката за 200 милиони долари.
Тоа повеќе од дупло ќе го зголеми богатството на Спирс кое се проценува на 150 милиони долари но луѓе блиски до неа велат дека најважно ѝ било да ја „корегира историјата“ и да го „зацврсти своето музичко наследство“.
Договорот важи за нејзините досега снимени песни а таа ги задржува сите права поврзани со нејзиното име и лик.
44 годишната Бритни почна како детска ѕвезда во Mickey Mouse Club, подоцна стана мега поп ѕвезда со хитовите како “…Baby One More Time”, “Oops! … I Did It Again” и „Toxic“ а потоа влезе во контроверзни епизоди поврзани со нејзиниот татко, сопругот Кевин Федерлајн и состојбата на нејзиното ментално здравје.
