- Европската Унија воведе целосна забрана за увоз на руски гас во повеќе фази, заклучно со крајот на 2027 година.
- Согласно новиот закон, од 1 јануари 2026 година ќе бидат забранети нови договори за увоз на гас. Краткорочните ќе бидат укинати во април и јуни, а долгорочните ќе бидат забранети по 1 јануари 2027 година за течен природен гас. По 30 септември 2027 година ќе бидат затворени вентилите на копнените гасоводи.
- „Пред да почне војната (во Украина) на Русија ѝ плаќавме по 12 милијарди евра месечно за фосилни горива. Сега таа сума е 1,5 милијарда евра и планираме да ја спуштиме до нула“, изјави претседателката на Европската комисија, Урсула фон дер Лејен.
- За компании што ќе ја прекршат забраната се предвидени казни од 40 милиони евра, плус 3,5% од годишниот промет.
- Најавената забрана на увоз на руска сурова нафта ќе биде опфатена со посебен закон, за кој Брисел верува дека ќе биде усвоен во почетокот на идната година.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
- Како одговор на украинскиот напад со дронови врз резиденцијата на рускиот претседател во Новгородската област, Владимир Путин наредил во 2026 година да биде проширена тампон-зоната околу украинските погранични градови Харков и Суми, изјави генералот Валериј Герасимов, началник на Генералштабот на руските сили.
- Руската група „Север“ во 2024 година настојуваше да воспостави зона на безбедност во североисточна Украина, за да ја оддалечи украинската артилерија од руска територија и да спречи напади со дронови врз Белгород и Курск.
- Украинските власти тврдат дека оваа зона воопшто не е превентивна, туку се користи за да се овозможат подлабоки упади на руските сили на украинска територија.
- Киев упорно негира дека испратил дронови кон резиденцијата на Путин и тврди дека тоа се лажни вести што ги шири Кремљ за да ги блокира мировните преговори.
