Вести › Набрзинка

ЕСМ продавале струја за 65 евра, подоцна ја купувале за 255 евра

19 април 2024

Дали е ова е еден од „најголемите деловни подвизи“ на ексдиректорот Васко Ковачевски?, прашува Фактор?
Во негово време ЕСМ (поранешен ЕЛЕМ) за неполни два месеци во 2021 година потрошил 34,7 милиони евра за да купува струја. Нешто претходно истата година се продала голема количина струја за 63 евра за мегаватчас.
Во јули и август, кога се случила хаваријата во рудниците за јаглен, ЕСМ наместо да купи евтина струја (не поскапа од 70-75 евра за мегаватчас) „ги газел турбо“ хидроцентралите и од нив „истискал“ 209.000 мегаватчасови електрична енергија. Тоа им се вратило како бумернаг во ноември и декември.
Сума сумарум: Ова раководство на ЕСМ продало 223.500 мегаватчасови струја од што инкасирало 14 милиони евра, а во ноември и декември купило 136.176 мегаватчасови струја за што платило 34,7 милиони евра.

извор

Градоначалникот на Истанбул соочен со 2.340 години затвор

11 ноември 2025

Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
Целта на организацијата, според обвинителите, била преземање контрола врз Републиканската партија и собирање фондови за претседателската кампања.
Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.

извор

Порака од Москва: Бугарија со Лукоил прави опасен преседан

11 ноември 2025

Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
„Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.

извор