ЕДС со силен раст и зацврстена позиција на пазарот: Тројно зголемен број на клиенти за само 18 месеци
18 јуни 2026
Вести › Набрзинка
Кругман: SpaceX е како криптото на Трамп – ќе ќарат тие што на време ќе продадат
18 јуни 2026
- Нобеловецот Пол Кругман го споредува растот на акциите на SpaceX со манијата на купување криптовалути што ја покрена Доналд Трамп.
- Кругман тврди дека пазарната капитализација на компанијата на Илон Маск расте поради возбудата на пазарите, а не поради фундаментални фактори.
- „Сè за SpaceX во суштина е во возбудата. Всушност, тоа е меме-акција од 2,75 билиони долари. Единствените победници ќе бидат оние кои влегоа рано, предизвикаа пазарна возбуда и ќе излезат пред дното неизбежно да падне“, додаде Кругман.
- Првите сигнали за шпекулативна трговија се појавија вчера, кога акциите на SpaceX паднаа за 3%, откако во претходните денови ја зголемуваа вредноста за близу 20%.
- „На својот врв, биткоинот имаше пазарна капитализација слична на онаа на SpaceX сега. Сепак, фактот дека биткоинот е економски бескорисен за ништо друго освен за перење пари значеше дека неговите зголемени вреднувања се темелеа на верувањето дека администрацијата на Трамп ќе им дозволи на компаниите за крипто ефикасно да работат како нерегулирани банки. Како што паѓа рејтингот и политичка моќ на Трамп, така опаѓа и вредноста на биткоинот. Но, оние кои рано се вклучија во трговијата и им ги продадоа своите акции на оние што веруваат во Трамп, заработија многу пари“, објаснува Кругман.
Нептун е меѓу најголемите работодавци, но и меѓу најдобрите по плати
18 јуни 2026
- Нептун Македонија е единствената компанија во секторот Трговија на мало со електрични апарати за домаќинствата, која истовремено се наоѓа меѓу лидерите по приход, добивка, број на вработени и плати.
- Со други зборови, Нептун не само што продава најмногу, туку успева да обезбеди и натпросечни примања за својот голем колектив од 432 работници, што е реткост во секторот.
- Просечната плата во Нептун Македонија била 48.790 денари, со раст од 8,61%.
- Податоците кои ги анализираше Пари покажуваат дека во 2025 година во 157 компании од дејноста биле ангажирани 1.781 работник. Просечната плата достигнала 25.780 денари.
