Вести › Набрзинка

Еден Васко од ЕСМ е уапсен, по другиот се трага

10 декември 2024

Уапсен е поранешниот директор на ЕСМ Васко Стефанов, кој е еден од осомничените во денешната акција на МВР и Обвинителство за гонење на организиран криминал и корупцијата. Како што дознава Телма, Стефанов бил надвор од земјата и се вратил откако дознал дека се бара во кривична постапка.
Недостапен за полицијата сѐ уште е Васко Ковачевски, исто така поранешен директор на ЕСМ.
Покрај тие двајца, осомничени се и екс директорите на РЕК Битола Пеце Матевски и на ТЕЦ Неготино, Небојша Стојановиќ, за проневера на 6,5 милиони евра од тендери.
Меѓу осомничените е и велешанката Маја Јорданова, чија фирма „Браинкоде“ ги доби трите тендери од ЕСМ за набавка на адитиви од Италија кои изнесуваат колку и оштетената сума. За истиот тендер се гони и Данчо Стојановски, кој бил директор за комерцијални работи во ЕСМ, кој се смета за организатор на набавка на адитивите и е роднина на Јорданова.

извор

Зошто и како Судскиот совет не го разреши судијата Енвер Беџети кој заврши на црната листа на САД

10 декември 2024

Во ноември минатата година, кога Судскиот совет решаваше за утврдување одговорност кај судијата Беџети поради тоа што повеќе од девет месеци во фиока го чуваше предметот за масовното незаконско прислушување „Таргет-Тврдина“.
Постапката заврши само со парична казна за него, а не и разрешување.
„Најмалку осум гласа е потребно за да се донесе одлука за разрешување на судијата, а во овој случај немаше осум гласа. Кога е ваква сосотојба, согласно законот, се продолжува да се оди прво со дисциплинските мерки коишто се изразени во парична казна од 15-30% и најмалата казна е изразување јавен укор или опомена. Во случајов осум гласа доби намалување 20% од платата во период од шест месеци“, објаснуваше тогашниот претседател на Судскиот совет, Сашко Георгиев.
Пазете, па ни 30% не го казниле колку што можеле, не па да го разрешуваат.

извор

Време за ќорку: Се апсат екс директори на РЕК Битола и ЕСМ

10 декември 2024

Во голема полициска акција се апсат лица од поранешното раководство на ЕСМ и РЕК „Битола“ осомничени за злоупотреба на јавни набавки.
Неофицијално, меѓу осомничените е и поранешниот директор на ЕСМ и РЕК Васко Ковачевски, но полицијата не го нашла дома.
Последните информации се дека Ковачевски не е во Македонија и тој ја има напуштено државата уште во септември. Се шпекулира дека е во Виена.
Според неофицијални информации објавени од медиумите, станува збор за 23 осомничени физички лица и две правни. Акцијата се спроведува во Скопје, Битола, Велес и Кичево, се однесува на злоупотреби во РЕК „Битола“, ТЕЦ „Осломеј“ и ТЕЦ „Неготино“.

извор