Џамбо пристигнува во Гевгелија
12 декември 2025
Вести › Набрзинка
Во Косово пристигнаа првите мигранти депортирани од САД
12 декември 2025
- Премиерот Албин Курти изјави дека во Косово пристигнале првите мигранти депортирани од САД, согласно договорот постигнат со администрацијата на Доналд Трамп.
- „Ги прифаќаме лицата што САД не ги сакаат на своја територија. Еден или двајца веќе пристигнаа“, изјави Курти.
- Шемата предвидува Косово годишно да прима по 50 лица протерани од САД. Владата во Приштина тврди дека има право на избор на лица од предложен список, за да утврди дали исполнуваат специфични критериуми.
- Приштина веќе ратификуваше договор во своите затвори да прифати 300 мигранти осудени за криминал во Данска. Договорот ќе важи по 2027 година и ќе ѝ донесе на Приштина 210 милиони долари.
Украина е спремна да прифати демилитаризирана зона во Донбас
12 декември 2025
- Киев попушта за една од клучните точки од мировните преговори со САД и Русија - воспоставување демилитаризирана зона во Донбас, слична на онаа помеѓу Северна и Јужна Кореја, само подлабока и поширока. Украинските сили целосно би се повлекле од териториите на Луханск и Доњецк, но Киев бара гаранции дека руските сили нема да навлезат.
- „Демилитизирана зона мора да постои од двете страни на линијата“, изјави украинскиот преговарач Михајло Подољак за Ле Монд. „Ќе биде потребно да се дефинира дали треба да се повлечат сите видови оружја, или само тешкото. За да се спречат прекршувања, мора да има странски мисии на теренот. Ова е природен формат за крај на конфликтот, со оглед на тоа што дел од територијата за жал ќе остане под де факто руска окупација и дека во секој случај ќе се воспостави линија на раздвојување“.
- Подољак додаде дека за Киев би било идеално САД да учествуваат во силите за надзор и контрола на примената на договорите во зоната.
- Претседателот Володимир Зеленски потврди дека САД предложиле демилитаризирана зона, но истакна дека какви било територијални отстапки мора да бидат потврдени на избори или на референдум, кои тешко може да се одржат додека се војува.
- За ова прашање утре во Париз би можел да се одржи состанок на претставници од САД, Германија, Британија, Франција и Украина, а два дена подоцна лидерите на овие земји би требало да се сретнат со американскиот претседател Трамп.
