- Сопственици на станови во комплексот Дајмонд на Лимак купени и за цени до 3.000 евра по квадрат тврдат дека се измамени по неколку основи.
- Прво и најважно е што дел од становите што се целосно платени од купувачите се уште стојат на име на Лимак бидејќи компанијата ги има ставено под хипотека и има земено пари за нив, со кои го гради остатокот од комплексот.
- Второ, становите им се предадени „лом“, неисчистени, како што оставиле последните мајстори што работеле, а има недостатоци кои останале од градењето, како пукнатини околу врати, гребен паркет, парно и клими што протекуваат, паднати кваки, купатило без одвод...
- Трето, пред-договорите што купувачите ги потпишале со Лимак биле на над сто страници, меѓу кои бил вклучен и член „според кој изведувачот има право да го менува распоредот во станот“, што било искористено од нив.
- Четврто, најверојатно месечното одржување ќе им биде 1,34 евра по квадрат, што излегува 134 евра месечно „за куќен совет“ за стан од 100 метри квадратни. Се очекува дека кога ќе биде сè пуштено во функција, сумата ќе се искачи на 2 евра.
- На неколкуте прашања поставени до Лимак од компанијата тврдат дека нивните клиенти се задоволни, а што се однесува до хипотеките дека се работи на нивно бришење.
- И едните и другите очекуваат денешните протести во Белград да бидат разврска на повеќемесечните студентски блокади.
- Во последното ТВ обраќање, српскиот претседател порача дека нема да дозволи улицата да ги одредува правилата и дека нема да дозволи преодна/експертска влада.
- Оној дел од јавноста кој ги подржува студентите и нивните барања се убедени дека масовноста и упорноста на протестите ја делегитимираат власта на Вучиќ.
- Тие очекуваат во Белград денес на улица да излезат и половина милион луѓе од градот и цела Србија кои масовно почнаа да доаѓаат уште претходната ноќ. Вучиќ проценува дека протестите ќе бидат масовни, но далеку помалку - околу 80.000 луѓе.
- Многу убави и ведри луѓе полни надеж има на улиците, но затоа на социјалните мрежи (оние кои од човекот го вадат најлошото) е одвратно: жестоко омаловажување и дехуманизирање на оние другите: или се странски платеници и анти-српски шовинисти или се багра, гамад, сендвичари...
- И медиумите се жестоко поделени (види - ОВДЕ).
- Горе-долу, сме го виделе сето тоа. Само што засега се нема појавено нивниот „Заев“.
- „Германија се враќа! Германија прави значителен придонес за одбраната на слободата и мирот во Европа. Ова е јасна порака до нашите партнери, но и до непријателите на нашата слобода. Способни сме да се одбраниме“, објави идниот канцелар Фридрих Мерц откако обезбеди поддршка од Зелените за огромно задолжување на владата.
- За такво задолжување неопходно е да се промени Уставот. Конзервативците на Мерц, заедно со социјалдемократите и Зелените имаат двотретинско мнозинство во актуелниот состав на Бундестагот.
- Со задолжувања ќе биде формиран фонд од 500 милијарди евра за обнова на инфраструктурата. Поголемиот дел ќе биде насочен кон одбранбените капацитети.
- Зелените на преговорите издејствувале 100 милијарди за „климатска трансформација“.
