- Од Рим, каде се наоѓа по повод манифестацијата „Македонија во чест на Св. Кирил“, новата македонска претседателка телефонски се слушнала со Зеленски и му рекла дека Украина може да смета на силна и непоколеблива поддршка од Македонија.
- Силјановска Давкова истакнала дека украинскиот народ може да се потпре на македонското сојузништво и пријателство во справувањето со историскиот предизвик во кој се наоѓа.
- Двајцата соговорници си ветиле посветеност за меѓусебна поддршка во меѓународната дипломатија.
- За мир, примирје, наоѓање начини да сопре гинењето и демографското десеткување на унесреќената земја или нешто слично, не станало збор.
- „Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
- Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
- Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
- Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
- И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.
