Вести › Набрзинка

Директорка на градинка го забранила Гоце за приредба

17 мај 2023

Директорката на градинките „Срничка“ не дозволи изведба на македонската песна „Нешто ќе те питам бабо" или побара изведба на песната во скратена форма без стихот каде се спомнува Гоце Делчев, се вели во писмото до медиумите на вработени во градинката.
Таа ја забранила и кореографијата за оваа песна, црни беретки со беџови со натпис „комити“, се вели во писмото.
Родителите побарале вонредна родителска средба но таква не била одржана. Во петок ќе се видат со луѓе од општина Аеродром.
„Градинката ќе биде транспарентна и прогресивна установа од која ќе бидат задоволни детето, родителите и воспитниот кадар и која перманентно ќе гради партнерски односи со семејството и локалната средина“, пишала на сајтот на градинката директорката Алексадра Јелиќ Исаиловска која во 2020-та година добила Опомена од Министерството за труд и социјална политика заради неспроведување на одредбите за работно време.

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор