Детскиот крем „Бекутан“ отсега достапен и на францускиот пазар
23 јануари 2026
Вести › Набрзинка
За бугарски политолози влезот на Бугарија во одборот на Трамп е скандал
23 јануари 2026
- „Бугарија, добредојде во Бордот, заедно ќе работиме на зајакнување на мирот во светот“, напиша американската амбасада во Софија откако премиерот Росен Жељазков потпиша приклучување кон Одборот за мир на Доналд Трамп.
- Политикологот Милен Љубенов мисли дека ова е голем политички скандал што допрва ќе одекнува.
- „ГЕРБ постигна многу сериозен автогол и ова ќе влијае на изборната кампања. Ова е обид на Доналд Трамп да ги замени ОН. Видовме дека таму се наредија голем број авторитарни лидери, вклучувајќи го и Лукашенко. Бугарија не чекаше на заедничкиот европски став и уште еднаш покажа дека е освоена земја“, вели професорот Љубенов.
Новите Шенген правила може целосно да ја колабираат македонската економија
23 јануари 2026
- Согласно правилата на Шенген зоната туристички едно лице може да остане максимум до 90 дена во рамки на 180 дена. Проблемот е што ова правило се воведува и за професионалните возачи и оние кои работат во транспортните компании од причина што ЕУ не може да најде легална форма да го регулира нивниот статус.
- Иако имав жестоки размени на аргументи со надлежните во рамки на ЕУ директно во Брисел, за жал не најдов на разбирање, вели министерот за транспорт Александар Николоски.
- Проблемот е многу сериозен зашто ќе влијае врз работата на транспортниот сектор во целиот регион како и на извозно ориентираните компании.
- Од понеделник ќе има протест кој предвидено е да трае седум дена на граничните премини кои одат кон шенген зоната, на превозниците на Македонија, Косово, Србија, Црна Гора и БиХ. Се работи за огромен економски проблем кој што може целосно да ја колабира македонската и регионалната економија, бидејќи нашите економии се мали и главно се ориентирани кон извоз. Се работи за целокупното производство на компаниите кои произведуваат во ТИРЗ во кои што работат најголем дел од луѓето во Македонија и кои што носат најголем девизен прилив.
- Ако и домашните компании кои се извозно ориентирани не можат да извезат тогаш запира и економската активност,
- Од друга страна, ако превозот поскапе за 3 до 5 % тогаш стануваат неконкурентни на европскиот пазар, рекол Николоски во интервју за Лидер.
