Изградбата на автопатот кон границата со Косово, односно кон граничниот премин Блаце ќе се ревидира бидејќи според проекциите на претходното раководство на ЈП Државни патишта, тој ќе чини 240 милиони евра.

Била одбрана целосно нова планинска траса од 12 километри, од кои 6 километри се тунели. Вредноста е 240 милиони евра, односно 20 милиони по километар, објаснува министерот за транспорт, Александар Николоски.

Тој првпат јавно кажува дека актуелната цена на изградбата далеку го надминува износот на кредитот кој го одобри ЕБОР а решение очекува за месец и половина.