Вести › Набрзинка

Членка на ЕУ му даде политички азил на политичар од друга членка на ЕУ

20 декември 2024

Унгарија му даде азил на полски опозиционер, поранешен заменик министер за правда.
48 годишниот Марчин Романовски во Полска се товари за злоупотреба на државни фондови.
Тој ги негира обвиненијата а ја напушти Полска и побара азил со убедување дека во земјата не го чека фер судски процес бидејќи власта на Доналд Туск го злоупотребувала правосудниот систем за прогон на политички противници.

20 декември 2024

Кутрото девојче ползело по калта бегајќи од смртта. Кал била пронајдена под ноктите и на отисокот од врвот на патиките; заклучокот е дека Вања била убиена додека клечела на колена (Вечер прес).
Вања и Панче биле убиени со ист калибар на куршум од 9 милиметри. Во Вања било пукано од половина метар (МКД).
На лепливата лента на устата на Вања има траги од ДНК на Велибор Манев (360).
Според обвинението, било планирано грабнување на 14-годишното девојче со цел да присилат член на нејзиното потесно семејство да даде парични средства за откуп. Панче Жежовски во Велес, пак, бил грабнат со намера да го присилат да им го даде возилото „цитроен“, коешто подоцна е искористено за грабнување на Вања.

20 декември 2024

Седумгодишно дете е убиено во своето школо во кое влегол 19 годишен дечко со остар предмет и почнал да сече по луѓе.
Пет лица се повредени, од кои двајца возрасни и три деца. Напаѓачот, поранешен ученик во школото со психички проблеми, им нанел повреди на наставничка и неколкумина ученици. Таа е во животна опасност.
По нападот се скрил во соседниот Здравствен дом каде пробал да се самоубие, бодејќи се по телото. Полицијата го спречила и е под нивна контрола.

Мајката на напаѓачот го молела неговиот доктор од болницата да не го отпушта. „Ми рекоа дека напаѓачот е мојот син. Пред скоро време ме заклучи мене и мајка ми во станот, ни ги зема мобилните телефони, па потоа заврши во болница. Го молев докторот да не го пушта бидејќи не е за пуштање“, пренесува А1он.