• Претседателот Доналд Трамп им порача на генералите како „полигони“ за обука на војската да ги користат Чикаго, Лос Анџелес, Сан Франциско и другите американски градови со висока стапка на криминал. Трамп веќе нареди распоредување трупи од Националната гарда во Вашингтон, Лос Анџелес и Портланд, но бара и вклучување на војската.
• „Тие се многу небезбедни места и ние ќе ги средиме едно по едно. Тоа ќе зависи и од некои од луѓето во оваа просторија“, порача Трамп, обраќајќи им се на повеќе од 800 генерали во базата Квантико на Пентагон. Трамп ги предупреди дека „граѓанските немири се внатрешен непријател“ и додаде дека „откако ќе бидете вклучени ситуацијата нема да излезе од контрола“.
• Министерот за војна Пит Хегсет го свика големиот собир на генерали за да им ги претстави „највисоките машки стандарди“ за физичка и морална спремност на војската.
• Нема да се толерираат „разбудената“ култура, дебелите офицери и носењето брада. Ќе бидат вратени најстрогите тестови за физичка спремност, кои ќе важат и за жените. Ќе се охрабрува построга обука и дисциплина, а ќе се толерира викање, пцуење, растурање кревети, па дури и „кревање рака“ врз војник.
• Генералите молкум го слушале предавањето, а некои пишувале забелешки во тефтер. Кога Трамп се качил на сцената по Хегсет, забележал: „Никогаш порано не сум влегол во толку тивка соба“.

.@SecWar announces new directives to ensure that every military Combat MOS and Combat Arms position will return "to the highest male standard only — because this job is life or death."

"Standards must be met... it's common sense and core to who we are and what we do." pic.twitter.com/diAHWfKOBY

— Rapid Response 47 (@RapidResponse47) September 30, 2025