- Авганистан остана без целосен пристап до интернет, откако талибанските власти пред неколку недели почнаа да ја прекинуваат конекцијата преку оптички кабли.
- Земјата е во тотален интернет мрак, соопшти фирмата за надзор на интернет сообраќај Нетблокс. Прекинот се одразил и на мобилните и фиксните телефонски услуги, кои во земјите со ограничена телекомуникациска инфраструктура ги делат истите оптички линии со интернетот. Нарушени се пристапот преку мобилната мрежа и приемот на сателитски телевизиски сигнал.
- Талибанските власти пред две недели го исклучија пристапот до интернет во неколку региони за да ги „заштитат“ корисниците. „Мерката беше преземена за да се спречат пороците. Алтернативни опции ќе бидат воспоставени низ целата земја за да се задоволат потребите за поврзување“, изјави претставник на покраината Балх.
- Во 2024 година талибанците ја промовираа мрежата со оптички влакна од 9.350 километри како „приоритет“ за приближување на земјата до светот и извлекување од сиромаштија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
- Како одговор на украинскиот напад со дронови врз резиденцијата на рускиот претседател во Новгородската област, Владимир Путин наредил во 2026 година да биде проширена тампон-зоната околу украинските погранични градови Харков и Суми, изјави генералот Валериј Герасимов, началник на Генералштабот на руските сили.
- Руската група „Север“ во 2024 година настојуваше да воспостави зона на безбедност во североисточна Украина, за да ја оддалечи украинската артилерија од руска територија и да спречи напади со дронови врз Белгород и Курск.
- Украинските власти тврдат дека оваа зона воопшто не е превентивна, туку се користи за да се овозможат подлабоки упади на руските сили на украинска територија.
- Киев упорно негира дека испратил дронови кон резиденцијата на Путин и тврди дека тоа се лажни вести што ги шири Кремљ за да ги блокира мировните преговори.
