Вести › Набрзинка

Бујар Османи нè прави и поглупи од што сме

24 јуни 2022

Нема официјална реакција, нема дипломатска нота, нема трага дека македонската држава се побунила што Емануел Макрон нè именуваше како Северномакедонци.
Бујар Османи разговарал со француската амбасада и тие му рекле дека Макрон згрешил тоест ненамерно употребил погрешна формулација.
Сега би било фер на Бујар да му го наругаме народот на кој му припаѓа, да го наречеме со пар погрдни зборови кои прво ни паѓаат на ум па после да му кажеме дека сме згрешиле. Ама па, не сме такви мизерии ко дечкото.

извор

Почина легендарниот карикатурист Коракс

17 мај 2026

Во 93-тата година од животот почина феноменалниот автор на политички карикатури Предраг Кораксиќ Коракс, еден од најострите и најдоследни коментатори на општествените и политички прилики во Србија и пошироко.
Карикатури почнува да објавува веќе на 17 години, во 1950 година, во сатиричниот магазин Јеж. Повеќе од три децении работел во Вечерње новости од каде бил тргнат поради политички причини, по што почнува да објавува во медиуми кои некогаш важеа за независни: Време, Данас, Борба, Пешќаник, Радио Слободна Европа.
„Беше честит, бескомпромисен човек, исклучително чесен, а а вистинска политичка карикатура нема без чесност,“ кажа за Коракс неговиот колега Душан Петричиќ.

извор

Луѓето во Судан испозагинаа од дронови

16 мај 2026

Првиот човек за човекови права на Обединетите нации, Волкер Турк, изјави дека вооружените беспилотни летала стојат зад 80% од смртните случаи поврзани со конфликтот во Судан и тоа е водечка причина за цивилните жртви.
Беспилотни летала се обезбедуваат од секаде: Кина, Русија, Турција, Обединетите Арапски Емирати, преку мрежи што ги вклучуваат Етиопија, Чад и Либија.
Лани бројот на загинати од дронови бил покачен за 600% а годинава, помеѓу јануари и април на тој начин биле убиени најмалку 880 цивили, бидејќи нападите сè повеќе се насочени кон цивилна инфраструктура, вклучувајќи болници и училишта.
Инаку, војната главно се води меѓу војските на два генерали, Абдел Фатах Бурхан, кој ја преводи официјалната армија и генерал Мохамед Хамдаан Дагало, кој е на чело на главната паравоена формација во Судан.
Вооружените конфликти меѓу нив започнаа во 2023 година иако две години пред тоа, двајцата генерали заедно извршија пуч против цивилната влада на Судан.

извор